මගේ කියන්න පුළුවන් විකාර අත්දැකීම්

Oxford online ඩික්ෂනරි එකේ සඳහන් වන ආකාරයට anonymous ලෙස හඳුන්වන්නේ “(Of a person) not identified by name; of unknown name” කියලා. ඇනෝ concept එක අළුත් එකක් වගේ හිතුනට ඒක  සෑහෙන පරණ සංකල්පයක්. ගුත්තිල කාව්‍ය කියන්නේත්  ඇනෝ කවි පොතක්. ගුත්තිල කාව්‍ය ලිව්වේ වෑත්තැවේ හාමුදුරුවෝ කියල කිව්වට ඒක මුඛ පරම්පරාගත කීමක් මිස කතුවරයා ගැන කිසිම සඳහනක් පොතේ හෝ ඒ සමකාලීන ඉතිහාසයේ දැක්වෙන්නේ නෑ. තව ඇනෝ කවි පොත් ඕන තරම් සිංහල සාහිත්‍යයේ තියනවා. ගිරා සංදේශය, පැරකුම්බා සිරිත, තිසර සංදේශය, සසදාවත, මුවදෙව්දා වත උදාහරණ කීපයක් විතරයි.

Anonymous

මගේ පුද්ගලික මතය ගුත්තිලය සහ තිසර සංදේශය එකම කෙනෙක් ගේ නිර්මාණයක් බව. ගුත්තිලයේ දිව්‍යන්ගනාවන් ගේ වර්ණනාව මතකයි නේ. (කොහොම අමතක වෙන්නද නේද? :D) බලන්න තිසර සංදේශයේ තියන සමානකම.

නිලුපුල් දිගැසී  තන රන්           කලසී

සිදුලිය සදිසි සියුමැලි             දිගැසී

රඟ බැස නොලාසි රඟ දෙන    විලසි

දුටු එම විගසි මද තෙමෙ         ඇවිසි


මේ ගොඩක් ඉස්සර, ඒ කියන්නේ ජනිත්ට අවුරුදු හතක් අටක් කාලේ වෙච්ච් දෙයක්. ජනිත් පොඩි කාලේ කියවපු කවි පොතක් තමයි සිරිත් මල්දම. එක දවසක් ජනිත් ගේ නෑදෑයෝ කට්ටිය ඔක්කොම සෙට් වෙච්ච වෙලාවක ජනිත් දැක්කා ගාමිණී අය්යා හොටු පෙරාගෙන ඉන්නවා. ගාමිණී අය්යා කිව්වේ ජනිත් ගේ පුංචි කෙනෙක් ගේ පුතෙක්. ආය දෙපාරක් හිතුවේ නැහැ ජනිත් කටපාඩමින් කිව්වා සිරිත් මල්දමේ කවියක් ගමටම ඇහෙන්න.

සෙම් සොටු පෙරා                    ගෙන

කුණු කෙල වයිරිලා                  ගෙන

දැලි කුණු තවර                        ගෙන

ඉඳුම කැත ලෙස පෙනෙයි බැලු   තැන

නෑයෝ ඔක්කොම බක බක ගාල හිනා වෙන අතරේ ගාමිණි අයියා දිව්වා ලේන්සුවක් හොයන්න.

Little-boy-sneezing-300x294


ඊට ගොඩ කාලෙකට පස්සේ ජනිත් කැම්පස් ආවා. ඔය “මං ගැන” page එකේ තියෙන්නෙත් කැම්පස් එකේ ජනිත් හිටපු හැටි ඇසින් දුටුවකු ඇඳපු චිත්‍රයක් නේ. හැමදාම අළුපාට සයිඩ් බැග් එකයි අරගෙන ඩෙනිමයි ටී ෂර්ට් එකයි ගහල එක අතක නිල් පාට ෆයිල් එකකුයි අනික් අතේ අලි සයිස් නොකියා 6680 ෆෝන් එකකුයි අරගෙන තමයි එන්නේ. පලවෙනි අවුරුද්දේ දෙවැනි සෙමිස්ටෙර් exam  එකට කලින් දවසේ ඔහොම එනකොට ජනිත් දැක්කා  ලස්සන ගෑණු ළමයෙක් තිරස් අක්ෂයේ සරල අනුවර්තීය චලිතයක පැද්දී පැද්දී ඉස්සරහින් යනවා. පරණ විදිහට කවියක් නොකියා මතකෙට ආව සින්දුවක් sms එකක් වෙලා අර nokia 6680 එකෙන් ගියා ගෑණු ළමයාගේ ෆෝන් එකට මෙන්න මෙහෙම

මල් බර        හිමිදිරියේ

කොයිබද     සමනලියේ

යන්නේ        හිරුඑළියේ

කියන්න       සියුමැලියේ

හැරෙන තැපෑලෙන් මෙන්න ඒකට ආව reply එක

සීතල මද                  පවනේ

මම කුප්පියකට         යන්නේ

exam හෙට               ඇත්තේ

නොගියොත් ඇන     වෙන්නේ

ඇන වෙනවා කියන්නේ exam fail වෙන එකටයි. කුප්පිය කියන වචනේ තේරුම නම් දන්නවා ඇති නේ.

depositphotos_5950179-Girl-in-love


මේ තියෙන්නේ මෑත කාලේ ලියවුන කතෘ අවිනිශ්චිත කවි වගයක්. ලස්සන නිසා දැම්මා. ලිව්වේ කව්ද කියල මම නම් දන්නේ නෑ .

 

සිහිනෙන් වගේ මුව මල් සිනා         මැවේ

පාළු මගේ සිතේ රන්වන් රුවක්     මැවේ

මිණි මුතු     අමුණා

මිමිණු         වදනින්

කෝලව     මා සිත

සැනසුනි     රහසින්

සුළි සුළං මහ වැහි     මැදින්

නුබේ සෙනේ ගඟුල     ගලයි

එදා මෙන්         අදත්

නුබේ නෙතු අග මා     රැකෙයි

රන්වන් රිවි         කිරණේ

සියපත රැඳී පිනි     කැකුලේ

සිහිලස කැටි කර     ගන්නේ

නුබේ හද තවරා     යන්නේ

පරණ කතා

වළලු බ්ලොග් එක ලියන වළලු නංගි  මං ගැනත් ලියා තියනවා කියා දන්නේ පොස්ට් ඒක පබ්ලිස් කර වසර ගණනකට පසුය. කොහොමත් උණු උණුවේ කතාවක් ලියනවට වඩා ඇල් මැරුණ කතාවක් දැමීමේ වාසිය කතාවට සම්බන්ද බොහෝ අයටද ඒ වන විට කතාව අමතක වී තිබුන කොටස් යලි මතක් වීමයි.  මටත් එසේමය. වළලු කියවූ පසු පුර්වාපර සන්දි කිහිපයක් ගැලපී මට පරණ කතා කීපයක්ම මතක් විය.

දැන් නම් නගර සභාව මගින් හෝටල් වල පිරිසිදුකම ගැන ශ්‍රේණි ලබා දීම සිදු කරද අපි සරසවියේ සිටි කාලයේ එවැනි ක්‍රමයක් භාවිතෙය් නොතිබුණි.

වර්තමානයේ මෙම ශ්‍රේණි ක්‍රමය අනුව (A) ඉතා සතුටුදායක, (B) සතුටුදායක  (C) සාමාන්‍ය හා (D) අසතුටුදායක ලෙස ශ්‍රේණි ලබා දේ. නමුත් එකල පරිහෝජනයට සුදුසු හෝටල තෝරා ගැනීමට අප යොදා ගත්තේ පරිසර විද්‍යාවට ඉගෙන ගත් ජෛව නිදර්ශක ක්‍රමයයි. පරිසර පද්ධතියක තත්වය නිර්ණය කිරීමට යොදා ගත හැකි ජීවී විශේෂ ජෛව දර්ශක (Bioindicator) ලෙස හැඳින්වේ. ඒ අනුව අපේ බෝඩිමේ මම ටාසන් හා කැප්ටන් ගේ සවුක්ය තත්වය සෑම ප්‍රධාන අහාර වේලකට පසු මොනිටර් කර පිරිසිදුකම ගැන ශ්‍රේණි ලබා දුන්නෙමු.

tissue culture

අපේ අඩුම ප්‍රතිශක්තිකරණයක් තිබුනේ කැප්ටන් හටය. ඒ කෙසේද යත් සම්පුර්ණයෙන්ම ජීවානුහරණය කරන ලද කෑමක් මිස වෙන දෙයක් ඌට කෑමට නොහැකිය. හැකිය. නමුත් කෑම හමාර කරන්නත් පෙර යෑම ඇරබේ. ඒ අනුව කෑම වේලක් කා කැප්ටන් නිරුපද්‍රිතව ඉහෙන් බහින ලෙඩක් නැතුව සිටී නම් එය ඉතා සතුටුදායක A ශ්‍රේණියේ හෝටලයකි.

සම්පුර්ණයෙන් ජීවානුහරිත තත්ව තබා ගැනීම ලේසි පහසු දෙයක් නොවේ. එකේ අමාරුව දන්නේ සෙල්ලමට හෝ සබ්ජෙට් එක කල එකෙක් මය. කොහෙන් හෝ කොන්ටමිනේෂන් වීම  සිදුවේ. ෆුල් ස්ටේරිලයිස් කියා රෝපණ මාද්යයේ කොස් පැල ටිෂු කල්චර් කලොත් ලැබෙන්නේ දෙල් පැල ය. ඉඳ හිට ඉහඳ පණුවන් ද කල්චර් වී ලැබේ. ඕපපාතිකව පහල වේ. 😀

කැප්ටන් ට අවුල් ගියද මට අවුලක් නැත්නම් එය සතුටුදායක මට්ටමේ B ශ්‍රේණියේ හෝටලයකි.

මටත් අවුල් නම් එය සාමාන්‍ය C ශ්‍රේණියේ හෝටලයකි.

asamodagam

ටාසන් හට බඩේ අමාරුවක් සැදුන දිනයක් මතක නැත. ඒ නිසා කිසිදු හෝටලයක් ඉතා අසතුටුදායක ලෙස D ශ්‍රේණියේ වර්ගීකරණය නොවීය. නමුත් කැප්ටන් හට එවැනි වාසනාවක් නොතිබුණි. බොහෝ දිනවල ඔහුට ප්‍රීතීන් සුඛා ආහාරත්ථිඨිකා  යන ගාථා පාඨය අනුව යමින්  දිව්‍ය තල වල වාසය කරන දෙවියකු මෙන් ප්‍රීති සුඛ අහාර කරගෙන වාසය කිරීමට සිදුවිය. අපේ වර්ගීකරණයේ නිවරද්‍ය භාවය ගැන කැප්ටන් ගේ කාමරයේ තිබුන හිස් අසමෝදගම් බෝතල් සාක්ෂි දරනවා ඇත.

හරි තේරෙනවනේ මොනවා ගැනද කියන්නේ කියලා. ඇත්තටම මේක අපේ අසාර්ථක පරීක්ෂණ ප්‍රතිපලයක්. අපිට ඕන උනා Sealed Lead acid බැටරි repair කරන්න පුලුවන්ද කියලා බලන්න. වැඩේ හරියටම සාර්ථක නෑ. එත් අලුත් UPS එකක් ගේනකන් පරණ එකේ ජව ආරක්ෂාව හරි පරිගණකයට ගන්න හැකියාව ලැබෙයි. ඒ වගේම විනාඩි 10 – 15 නැතත් පොඩි වෙලාවක් හරි බැටරි backup එකකුත් ලැබෙයි වාසනාව අනුව. මෙච්චර වෙලා කියපු දේවල් තේරුනේ නැද්ද?

මෙන්න අමාරු වචන වල තේරුම්

UPS: uninterrupted power supply ලෙස සිංහලෙන් හදුන්වයි. හදිසි විදුලි විසන්දි වීමකදී බල සැපයුම ලබා ගැනීමට හා පරිගණකයට ජව ආරක්ෂාව ලබා දෙයි. offline, line interactive හා online ලෙස ප්‍රධාන ආකාර තුනක් ඇති අතර offline වර්ගයේ UPS පුද්ගල පරිගණක සඳහා භාවිතා වේ.

Sealed Lead acid බැටරි: ආරම්භක විද්‍යාවට අනුව දිවිතික කෝෂ විශේෂයකි. එනම් නැවත charge (ආරෝපණය ) කල හැක. කාර් බැටරියකට සමාන වුවද කාර් බැටරියක්  මෙන් නඩත්තු කිරීමක් අවශ්‍ය නොවේ.

ජව ආරක්ෂාව: ප්‍රධාන විදුලියේ නිතර ඇතිවන ධාරා ගැටළු වන

  1. Voltage spike /sustained Over-voltage හෙවත් අධි ධාරා
  2. Momentary /sustained reduction in input voltage ක්ෂණික විදුලි බිඳවැටුම්.
  3. Noise, defined as a high frequency transient or oscillation, usually injected into the line by nearby equipment වෙනත් උපකරණ නිසා ඇතිවන විචලන.
  4. Instability of the mains frequency හෙවත් ප්‍රධාන සංඛ්‍යාත අස්ථායිතාවයන්
  5. Harmonic distortion: defined as a departure from the ideal sinusoidal waveform expected on the line. හෙවත් අනුවර්තීය විකෘති

වලින් පරිගණකයට ලබා දෙන ආරක්ෂාව ජව ආරක්ෂාව නම් වේ. (උපුටා ගැනීම විකිපීඩියා දෙය්යන් ගෙනි)

අවශ්‍ය ද්‍රව්‍ය

  • බැටරිය මැරුණ UPS එකයි
  • ඉන්ජක්ෂන් සිරින්ජයක්
  • බැටරි වතුර හෝ උණුකර නිවා ගත් වතුර හෝ ෆිල්ටර් වතුර
  • පොඩි ඉස්කුරුප්පු නියනක්

වෙන දේ

නව UPS එකක් ගෙනෙන තුරු පරිගණකයට අවශ්‍ය ජව ආරක්ෂාව ලබා ගැනීම. බැටරිය මැරී ඇත්නම් UPS ඔන් නොවන නිසා ඇල් වතුරෙන් බැටරි සන්නායකතාවය ඇති කර UPS එක ඔන් කර ගැනීම.

කරන විදිහ

Sealed Lead acid කිව්වට ඕකේ සිල් කඩන්න ඕන ඉස්සෙල්ලා. UPS එකේ ඇන ගලවල බැටරිය එලියට ගන්න.

DSC04988

ගලවපු බැටරිය

බැටරියේ උඩ පියනේ රවුම් රවුම් වගේ තියෙන්නේ කෝෂ. ඒ රවුමේ තියනවා පොඩි කට්ටයක්. එකට පොඩි ඉස්කුරුප්පු නියනක් තියල ගලවා ගන්න.

DSC04993

කෝෂයේ පියන උඩ ඇති කට්ටය

ඊට යටින් තියෙන්නේ රබර් මුඩියක්. එකත් ගලවන්න. (පරිස්සමෙන් හොඳේ. බැටරි ඇසිඩ් එක්ක සෙල්ලම් බෑ.)

DSC04987

කෝෂ මතුපිට ඇති රබර් මුඩි

දැන් එක් එක් කෝෂය ඇතුලට බැටරි වතුර සිරින්ජයෙන් දාන්න. ගෙදර බැටරි වතුර නැත්තම් උනුකරලා නිවපු වතුර හරි ෆිල්ටර් වතුර හරි උනත් කමක් නෑ. අපි තාවකාලික පිලියමක් නේ කරන්නේ අලුත් එකක් ගේන කන්.  කෝෂ ඔක්කොටම වතුර පුරවලා ඉවර වෙලා පරිස්සමෙන් UPS පරිපථයට බැටරිය සම්බන්ද කරන්න. (වයර් මාරු කරගන්න එපා ) ඔහොම පැය කීපයක් තියන්න. අපි දාන්නේ ඇල් වතුර නිසා සමහර විය කෝෂ වලින් හයිට්‍රජන් වායුව පිටවෙන්න පුළුවන්. ඒ නිසා රබර් මුඩි ගහන්න එපා.

DSC04984

මුඩි හයි කරන්නේ නැතුවම චාජ් කරන්න

ඊට පස්සේ කලින් විදිහටම රබර් මුඩි ගහල ප්ලාස්ටික් රවුම් තිබුන විදිහටම හයි කරන්න. ඊට පස්සේ UPS එකට බැටරිය හයි කරන්න. (බැටරිය හෝ UPS එක පෙරලා ගන්න එපා.ලීක් වෙයි ) UPS එකෙත් ඇන හයි කරලා කැමති නම් තව ටිකක් චාජ් වෙන්න තියලා පරිගණකය සම්මබන්ද කර ගන්න. වාසනාව අනුව බැටරි බැකප් කාලය තීරණය වෙයි. ජව ආරක්ෂාව නම් ෂුවර් ලබා ගන්න පුළුවන්.

සුබ නත්තලක් වේවා එහෙනම්. මෙන්න තෑග්ගක් විදිහට මගේ හිත ගිය නත්තල් සින්දුවක්.

j001

ජනිත් අන්ඩර් ග්ර්ජුවෙට් සමයේ තර්මෝ ඩයිනමික් සමග සැතපෙමින්

ජනිත් marry කරන්නේ නැද්ද?

අනේ මැඩම්. මම දන්නේ නැහැ. ලබන අවුරුද්දේ M.Sc එක නම් කරන්න ඕන.

ජීවිතේ කියන්නේ ඉගෙන ගන්න එකම නෙවෙයි ජනිත්. ජීවිතේ එක කොටසක් විතරයි ඉගෙන ගන්න එක. ඉගෙන ගන්න එක සම්පුර්ණ කරගෙන ජීවිතේ අනික් දේවල් ගැන හිතනකොට ජීවීතෙන් සෑහෙන කොටසක් ගෙවිලා ඉවරයි. මගේ සමහර යාලුවෝ ඉන්නවා තවම බැඳලා නැහැ. ඉතින් පැනඩෝල් පෙත්තක් ගෙන්න කඩේට යන්න වෙලා තියෙන්නෙත් අම්මා තාත්තල එක්ක. ඒක හැමදාම කරන්න පුළුවන් දෙයක් නෙවෙයි නේ.

ජීවිතේ ලොකු දේවල් කියල හිතෙන දේවල් ඒ විදිහට හිතෙන්නේ ඒක ලබා ගන්නකන් විතරයි. ඔයා ඩිග්‍රී එක කරන කොට ඒක complete කරන එක තමයි ලොකුම ඉලක්කේ. ඒක ලබාගත්තට පස්සේ අගයක් නැහැ. M.Sc එක උනත් ඒ වගේ තමයි. මම consultant කෙනෙක් කියන එක ඔයාට ලොකු දෙයක් විදිහට හිතෙනවා ඇති. මමත් ඒ කාලේ එහෙම හිතුවා. නමුත් දැන් මට එහෙම හිතෙන්නේ නැහැ. ඒ නිසා ඉලක්ක වලට යනකොට ජීවිතේ අනික් පැති ගැන අමතක කරන්න එපා. වයස 50 වෙනකොට අවුරුදු 5 බබෙක් ඉඳලා ඇති වැඩේ මොකද්ද?මම postgraduate කරේ බබාලා තුන් දෙනෙක් හදාගෙන. ඉගෙනගෙන ඉවර වෙලා ළමයි හදන්න හිටියොත් subfertile වෙලා ඉඳි.

මොනවා..එහෙමත් වෙනවද!

වයසට ගිහින් බැන්දම එහෙම වෙනවා. අපේ department එකේ හිටපු මැඩම් කෙනෙක් ගේ බබා මොංගල්. අපි මෙච්චර ඉගෙනගෙන සල්ලි හොයන්නේ downs ළමයෙක් ගෙදර ගෙන්න නෙවෙයි නේ. ජනිත් දන්නවද ඩොක්ට කෙනක්ට බඳින්න කෙනක් හොයා ගන්නවා කියන්නේ ගොඩක් අමාරු දෙයක්. සාමාන්‍ය කෙනෙක් බඳින්න බෑ නේ. හොඳ ඉන්ජිනියර් කෙනෙක් හරි executive කෙනෙක් හරි වෙන්න ඕන. එත් එහෙම වයසට ගැලපෙන පිරිමි අය හිටියත් ඒගොල්ලෝ කරන්නේ ලස්සන පොඩි කෙල්ලෙක් බැඳ ගන්න එක . වයසට ගිය කෙනෙක්ට වඩා සාමාන්‍ය පවුලක උනත් ලස්සන ගෑණු ළමයෙක්ට ඊට වඩා හොඳ වටිනාකමක් තියනවා.

හි හි .. මම එහෙනම් හිතල බලන්නම්කෝ

ජීවිතේ විඳින එක අමතක කරලා ඉලක්ක පස්සෙම යන්න එපා. ඉලක්ක වලට යන ගමන් ජීවිතේ ගැනත් හිතන්න. මොකද ජීවිතේ කියන්නේ සල්ලි වත් රස්සාව වත් නොවෙන නිසා.

ප.ලි.

විශේෂඥ වෛද්‍ය උපදෙස් මත ජනිත් ඉක්මනින් කසාද බැඳීමට තීරණය කරන ලදී.  

පහුගිය මාස ගානකම බ්ලොග් එක පැත්තේ එන්න වත් බැරි උනා. රස්සාවේ ප්‍රශ්න, කොම්පියුටරේ ලෙඩ විතරක් නෙවෙයි සෑහෙන්න තරු බලපු නිසා තරු සංගමේ වැඩ වගේ හේතු ගොඩයි. තව ටික කාලෙකින් බ්ලොග් එකත් ඩිසේබල් වෙයි ද දන්නේ නෑ.

අද කියන්න යන්නේ සින්දුවක් ගැන. මගේ සින්දුවක් නම් නෙවෙයි. බලලා තියනවද මේ සින්දුව? මගේ ගොඩක් ප්‍රියතම සින්දුවක්. මගේ හිත ගිය අනික් කාරණේ තමයි මේකේ ලිරික් රූප රචනාව. විකී අයියා මේ සින්දුව ගැන මෙන්න මෙහෙම කියනවා.

Payphone” is a pop song performed by the American pop rock band Maroon 5. The song was released on April 17, 2012, as the lead single from their fourth studio album,Overexposed (2012). It features American rapper Wiz Khalifa. It was written by Adam Levine, Benny Blanco, Ammar Malik, Robopop, Shellback and Khalifa, and produced by Blanco and Shellback.

පේ ෆෝන් සින්දුවේ සිංහල වර්ශන් එක ලඟදි මම දැක්කා. සින්දුව හදලා තියෙන්නේ අපේ තරු සංගමේ ලක්මාල් මල්ලියි උදාර මල්ලියි. සිංහල සින්දුව ඔර්ජිනල් එකටත් වඩා හොඳට හදලා තියනවා. වැඩි විස්තර ඕන නෑ. බලලාම ඉන්නකෝ.

මේස් එක ඉරිලා…

ඊට කමක් නෑ…

කවුරු බලන්නද …

කොහොම දකින්නද…

සපත්තු දමා තිබේ..

සපත්තු දමා ඇතේ…

 

socks

පන්හිඳක අරුමය

විටෙක සසලයි නුඹ
රල පෙල නගනා සයුරක් සේ..
විටෙක නිසලයි නුඹ
නිල්වන් නුබ ගැබක් සේ..
කඳුලු සඟවා සිනාසෙන නුඹ
මහ මෙරක් සේ…
කඳුලු පිසලා මා මුවඟට
සිනාකැන් ගෙනා නුඹ..
වටී මට බොහොමත් වටී මා
සුමිතුරේ…

ප.ලි. මාගෙ සමීපතම මිතුරෙකුගෙ ඉල්ලීමකට පබැඳි සිතුවිල්ලකි…

View original post

%d bloggers like this: