මගේ කියන්න පුළුවන් විකාර අත්දැකීම්

Archive for the ‘Computer’ Category

මැරුණ UPS බැටරියට තාවකාලික සහනයක්

හරි තේරෙනවනේ මොනවා ගැනද කියන්නේ කියලා. ඇත්තටම මේක අපේ අසාර්ථක පරීක්ෂණ ප්‍රතිපලයක්. අපිට ඕන උනා Sealed Lead acid බැටරි repair කරන්න පුලුවන්ද කියලා බලන්න. වැඩේ හරියටම සාර්ථක නෑ. එත් අලුත් UPS එකක් ගේනකන් පරණ එකේ ජව ආරක්ෂාව හරි පරිගණකයට ගන්න හැකියාව ලැබෙයි. ඒ වගේම විනාඩි 10 – 15 නැතත් පොඩි වෙලාවක් හරි බැටරි backup එකකුත් ලැබෙයි වාසනාව අනුව. මෙච්චර වෙලා කියපු දේවල් තේරුනේ නැද්ද?

මෙන්න අමාරු වචන වල තේරුම්

UPS: uninterrupted power supply ලෙස සිංහලෙන් හදුන්වයි. හදිසි විදුලි විසන්දි වීමකදී බල සැපයුම ලබා ගැනීමට හා පරිගණකයට ජව ආරක්ෂාව ලබා දෙයි. offline, line interactive හා online ලෙස ප්‍රධාන ආකාර තුනක් ඇති අතර offline වර්ගයේ UPS පුද්ගල පරිගණක සඳහා භාවිතා වේ.

Sealed Lead acid බැටරි: ආරම්භක විද්‍යාවට අනුව දිවිතික කෝෂ විශේෂයකි. එනම් නැවත charge (ආරෝපණය ) කල හැක. කාර් බැටරියකට සමාන වුවද කාර් බැටරියක්  මෙන් නඩත්තු කිරීමක් අවශ්‍ය නොවේ.

ජව ආරක්ෂාව: ප්‍රධාන විදුලියේ නිතර ඇතිවන ධාරා ගැටළු වන

  1. Voltage spike /sustained Over-voltage හෙවත් අධි ධාරා
  2. Momentary /sustained reduction in input voltage ක්ෂණික විදුලි බිඳවැටුම්.
  3. Noise, defined as a high frequency transient or oscillation, usually injected into the line by nearby equipment වෙනත් උපකරණ නිසා ඇතිවන විචලන.
  4. Instability of the mains frequency හෙවත් ප්‍රධාන සංඛ්‍යාත අස්ථායිතාවයන්
  5. Harmonic distortion: defined as a departure from the ideal sinusoidal waveform expected on the line. හෙවත් අනුවර්තීය විකෘති

වලින් පරිගණකයට ලබා දෙන ආරක්ෂාව ජව ආරක්ෂාව නම් වේ. (උපුටා ගැනීම විකිපීඩියා දෙය්යන් ගෙනි)

අවශ්‍ය ද්‍රව්‍ය

  • බැටරිය මැරුණ UPS එකයි
  • ඉන්ජක්ෂන් සිරින්ජයක්
  • බැටරි වතුර හෝ උණුකර නිවා ගත් වතුර හෝ ෆිල්ටර් වතුර
  • පොඩි ඉස්කුරුප්පු නියනක්

වෙන දේ

නව UPS එකක් ගෙනෙන තුරු පරිගණකයට අවශ්‍ය ජව ආරක්ෂාව ලබා ගැනීම. බැටරිය මැරී ඇත්නම් UPS ඔන් නොවන නිසා ඇල් වතුරෙන් බැටරි සන්නායකතාවය ඇති කර UPS එක ඔන් කර ගැනීම.

කරන විදිහ

Sealed Lead acid කිව්වට ඕකේ සිල් කඩන්න ඕන ඉස්සෙල්ලා. UPS එකේ ඇන ගලවල බැටරිය එලියට ගන්න.

DSC04988

ගලවපු බැටරිය

බැටරියේ උඩ පියනේ රවුම් රවුම් වගේ තියෙන්නේ කෝෂ. ඒ රවුමේ තියනවා පොඩි කට්ටයක්. එකට පොඩි ඉස්කුරුප්පු නියනක් තියල ගලවා ගන්න.

DSC04993

කෝෂයේ පියන උඩ ඇති කට්ටය

ඊට යටින් තියෙන්නේ රබර් මුඩියක්. එකත් ගලවන්න. (පරිස්සමෙන් හොඳේ. බැටරි ඇසිඩ් එක්ක සෙල්ලම් බෑ.)

DSC04987

කෝෂ මතුපිට ඇති රබර් මුඩි

දැන් එක් එක් කෝෂය ඇතුලට බැටරි වතුර සිරින්ජයෙන් දාන්න. ගෙදර බැටරි වතුර නැත්තම් උනුකරලා නිවපු වතුර හරි ෆිල්ටර් වතුර හරි උනත් කමක් නෑ. අපි තාවකාලික පිලියමක් නේ කරන්නේ අලුත් එකක් ගේන කන්.  කෝෂ ඔක්කොටම වතුර පුරවලා ඉවර වෙලා පරිස්සමෙන් UPS පරිපථයට බැටරිය සම්බන්ද කරන්න. (වයර් මාරු කරගන්න එපා ) ඔහොම පැය කීපයක් තියන්න. අපි දාන්නේ ඇල් වතුර නිසා සමහර විය කෝෂ වලින් හයිට්‍රජන් වායුව පිටවෙන්න පුළුවන්. ඒ නිසා රබර් මුඩි ගහන්න එපා.

DSC04984

මුඩි හයි කරන්නේ නැතුවම චාජ් කරන්න

ඊට පස්සේ කලින් විදිහටම රබර් මුඩි ගහල ප්ලාස්ටික් රවුම් තිබුන විදිහටම හයි කරන්න. ඊට පස්සේ UPS එකට බැටරිය හයි කරන්න. (බැටරිය හෝ UPS එක පෙරලා ගන්න එපා.ලීක් වෙයි ) UPS එකෙත් ඇන හයි කරලා කැමති නම් තව ටිකක් චාජ් වෙන්න තියලා පරිගණකය සම්මබන්ද කර ගන්න. වාසනාව අනුව බැටරි බැකප් කාලය තීරණය වෙයි. ජව ආරක්ෂාව නම් ෂුවර් ලබා ගන්න පුළුවන්.

සුබ නත්තලක් වේවා එහෙනම්. මෙන්න තෑග්ගක් විදිහට මගේ හිත ගිය නත්තල් සින්දුවක්.

Advertisements

පරණම පරණ පරිගණක වලට පමණයි 2

කලින් පොස්ට් එකේ මතක ඇති නේ කොහොමද ප්‍රාග් එතිහාසික පෙන්ටියම් I, II වර්ගයේ කොම්පියුටර් ගොඩ දාන්නේ කොහොමද කියලා. අද කියන්න හදන්නේ ඊට වඩා ටිකක් විතර හොඳ පරිගණක වලට ගැලපෙන ලිනක්ස් පද්ධතියක් ගැන.

මේ ඔස් එකේ නම Mac Pup. Puppy ලිනක්ස් වලම ව්‍යුත්පන්නයක් කියලා තමයි කියන්නේ. හැබැයි මේකේ ඩෙස්ක්ටොප් එක ඇත්තටම හරි ලස්සනයි. වින්ඩෝස් 7 වත් නැති ගැජට් කෑලි වගේම නියම effects තියනවා. වැඩි විස්තර කියන්න කලින් පපියා අපිට ඕන වෙන වෙලාවල් ගැන දැනගමු.

1. මට ලිනක්ස් ඕනේ. හැබැයි කොම්පියුටරේ පරණයි. ඒ නිසා ෆෙඩෝරා, උබන්ටු මට   එපෝ.

2. මට වින්ඩෝස් ඕනේ. එත් ලිනකස් try කරන්න ආසයි

3. අයියෝ. වින්ඩෝස් ලෝඩ් වෙන්නේ නැතෝ. මට හාඩ් ඩිස්ක් එකේ ඩේටා ගන්න විදිහක් නැද්දෝ.

4. අයියෝ. හාඩ් ඩිස්ක් එක ගියෝ. දැන් මට Facebook යන්න විදිහක් නැද්දෝ.

හරි ඔන්න ඔය වගේ වෙලා වල තමයි අපිට පපියව ඕන වෙන්නේ. මෙහෙමයි කොම්පියුටරේට පපියා දාන්නේ.  මුලින්ම පපියා මෙතනින් බාගන්න.

බාපු පපියා iso image file එකක් විදිහට රයිට් කර ගන්න

ගොඩ දාන්න ඕන කොම්පියුටරේ CD එකෙන් boot‌ කරන්න (ඔය පින්තුර පේනවා මදි නම් උඩ ක්ලික් කරන්න)

booting up

ඔයාලට තියන ප්‍රශ්නේ 1,2, 3, නම්  පලවෙනි ඔප්ටිඔන් එක ගන්න. හාඩ් ඩිස්ක් එකට සොරි වෙලා නම් දෙවැනි ඔප්ටිඔන් එක (RAM mode එක) ගන්න.

mode selection

ඊටපස්සේ මෙහෙම ලෝඩ් වෙලා එයි.

loading

මෙන්න අන්තිමටම ඩෙස්ක්ටොප් එක

desktop

හරි දැන් බලමු කොහොමද ඉන්ටර්නෙට් යන්නේ කියලා. ඔය ඩෙස්ක්ටොප් එකේ දකුණු පැත්තේ ඉඳං හතර වෙනියට තියෙන්නේ නිල් පාට අයිකොන් එකක්(connect). ඒක ඔබන්න. (මතක් කරලා ඔක්කොටම කලින් ඩොන්ගල් එක ගහල තියන්න හොඳේ. ඔන්න මම නොකිව්වයි කියන්න එපා)

shot

එන ඩයලොග් බොක්ස් එකේ (Internet connection wizard) ටෙලිෆෝන් එකක් තියන අයිකොන් එක (Dialup analog or wireless modem) ඔබන්න

dialer

ඊළඟ ඩයලොග් බොක්ස් එකේ (Pupdial modem internet dialer) ටික් එකක් දාල OK කරන්න

test

ඊළඟ ඩයලොග් බොක්ස් එකේ Test  බොත්තම  ඔබන්න

test2

ඊළඟ ඩයලොග් බොක්ස් එකේ Yes බොත්තම  ඔබන්න

ok

ඔන්න අන්තිම වැඩේ. ඔය පින්තුරේ විදිහට සෙටින්ස් වෙනස් කරන්න. Dial tone, Busy tone, uncheck කරන්න. ෆෝන් නොම්බරේ *99# දෙන්න. Stupid mode check කරන්න. අන්තිමට නමෝ විත්තියෙන් Connect බොත්තම  ඔබන්න.

done

දැන් මෙහෙම එකක් එයි. ඒ වගේම ඩොන්ගල් එකේ ලයිට් එක දිගටම පත්තු වෙන්න ගනී. වැඩේ ගොඩ. ඩෙස්ක්ටොප් එකේ කහ පාටට දිලිසෙන ගිනි නරියා අයිකොන් එක ඔබලා එහෙනම් ජංජාල ගත වෙන්න.

google

සැ.යු. කොර් අයි 5, 7 මාදිලි පාවිච්චි කරන අයියලා මෙම පොස්ටුවට කින්ඩි දැමීමෙන් වලකින්න. සයිබර් ලෝකයේ නිර්ධන පන්තිය වෙනුවෙන් විරචිතයි.

පරණම පරණ පරිගණක වලට පමණයි

(මේක  තමයි  ගිය සතියේ පෙන් ඩ්‍රයිව් ඒක අමතක වෙච්ච නිසා  දාන්න බැරි වෙච්ච් පොස්ට් ඒක )

ආයුබෝවන් හැමෝටම. ජනිත් ට ගොඩ කාලෙකින් පොස්ට් එකක් ලියාගන්න බැරි උන හේතුව හැමෝම දන්නවනේ. බ්ලොග් ලියන්න බැරි උනාට බ්ලොග් කියවන එක නම ජනිත් අත ඇරියේ නැහැ. අට වසරක් පරණ මගේ කොම්පුටර් රාජයාට දන්න හැම සෙල්ලමක් ම දාල වින්ඩෝස් දාන්න බැරි උනාට පස්සේ මම කල්පනා කරේ ලිනක්ස් වලින් හරි කොම්පුටරේ ගොඩ දාන්න. එහම කරන්න ගිහින් ඉගෙනගත්තු දේවල් ලංකාවේ අන්තර්ජාලය පාවිච්චි කරන නිර්ධන පන්තියේ හුදී ජන පහන් සංවේගය උදෙසා , මම අද කියල දෙන්න යන්නේ ලිනක්ස් හරහා පරණ කොම්පියුටර් පණ ගන්වන විදිහ. නිර්ධන පන්තිය කියල මම අදහස් කරේ i7 ලැපකින් Windows 8 දාල ඉන්ටනෙට් එන එක හීනයක්‌ වෙච්චි අවරුදු දහයක් විතර පරණ පෙන්ටියම් කොම්පුටර් පාවිච්චි කරන ජනිත් වගේ කට්ටිය.

අද මම කතා කරන්නේ ලිනක්ස් පවුලේ ඉතා කුඩා සාමාජිකයෙක් වෙන Slitaz මෙහෙයුම් පද්ධතිය ගැනයි. මෙයා OS එකක් ලෙස වඩාත් සුදුසු පෙන්ටියම් 1 සහ පෙන්ටියම් 2 යන්ත්‍ර වලට. ඉතාමත් අඩු සම්පත් ප්‍රමාණයකින් ක්‍රියාත්මක වන මෙහි iso ගොනුවේ ප්‍රමාණය මෙගාබයිට් 29 විතරයි. කොච්චර පරණ මැෂිමක් උනත් තත්පර දහයකට අඩුවෙන් ලෝඩ් වෙනවා ෂුවර්. හැබැයි data recovery tool එකක් විදිහට හදිසියකදී ඕනෑම කෙනෙක්ට ප්‍රයෝජනවත් වෙන්න පුළුවන්. හරි හරි. උනන්දුවක් තියන අය මෙන්න මෙතනින් බාගන්නකො. ඊට පස්සේ iso file එක CD එකකට write කර ගෙන අවශ්‍ය කොම්පුටරේ බයෝස් settings වලට ගිහින් මුලින් CD එකෙන් බුට්‌ වෙන්න settings හදා ගන්න.

වැඩේ හරි නම මෙන්න මෙහෙම වින්ඩෝ එකක් එයි. බය නැතුව Enter ඔබන්න.

එතකොට මෙහෙම මෙහෙම වෙයි. ගණන් ගන්නේ නැතුව බලන් ඉන්න.

ඊට පස්සේ මෙහෙමත් වෙයි. බලන් ඉන්න.

ඊට පස්සේ මෙන්න මේ language selection window එක එනවා. English නිකම්ම select වෙලා තියෙන්නේ. ඒ නිසා කෙලින්ම Enter ඔබන්න.

ඊට පස්සේ මෙන්න මේ keyboard selection window එක එනවා. Arrow keys වලින් ඔකේ යටටම ගිහින් US keyboard එක  select කරලා  Enter ඔබන්න.

හරි. වැඩේ ඉවරයි. මෙන්න Desktop එක. ලස්සනයි නේද?

SliTaz කියන්නේ බොහොම සරල මෙහෙයුම් පද්ධතියක්. ඒ නිසා වැඩි පහසුකම් නම් නැහැ. මුලිකව වෙබ් බ්‍රවුසරයක්‌, චැට් සහයකයක්‌, ටොරන්ට් මෘදුකාංගයක්, ඕඩියෝ ප්ලේයර්, CD රයිටරයක් , PDF කියවන සහ Wireless network වගේ දේවල් තමයි default තියෙන්නේ. හැබැයි අතිරේක මෘදුකාංග කැමතිනම් ඩවුන්ලෝඩ් කරගන්න පුළුවන්.

මෙන්න ඕඩියෝ ප්ලේයර් එක. ඔය උබන්ටු වගේ නෙවෙයි. නිකම්ම mp3 files play කරගන්න පුළුවන් අතිරේක codecs download කර ගන්නේ නැතුව.

මේ පුංචි OS ඒකෙන ලොකු කොම්පුටර් වලට මුකුත් ප්‍රයෝජන නැද්ද? ඇයි නැත්තේ?  ලොකු ලොකු කොම්පුටර් ලෙඩ උන වෙලාවට හාඩ් එකේ තියෙන දත්ත බැකප් කරන්න විතරක් නෙවෙයි, පාස් වර්ඩ් ගහපු කොම්පුටරේකට ලොග් වෙන්නත් මෙයා කියාපු බඩුව. කරන්න තියෙන්නේ බයෝස් වලින් ලයිව් සීඩී එක බූට්‌ කරලා හාඩ් ඩිස්ක් එක මවුන්ට් කරන්න විතරයි. මෙන්න මෙහෙම තමයි ඒක කරන්නේ.

windows වල start button ඒක තියෙන තැන දැන් තියන මකුළුවා බොත්තම click කරලා system tools වල mount devices, click කරන්න.

දැන් පාස්වර්ඩ් ගැහිලා වින්ඩෝ එකක් එනවා. OK කරන්න.

ඊට පස්සේ මෙන්න මෙහෙම වින්ඩෝ එකක් එනවා. මේකේ යටින් තියන ලිස්ට් එකේ පෙන්නාවි කොම්පුටරේ තියන සියලුම මතක මොඩියුල. ඒ කියන්නේ හාඩ් ඩිස්ක් පාටිෂන්, එතකොට පෙන් ඩ්‍රයිව් වගේ දේවල්. අවශ්‍ය දේ උඩ mouse click එකක් දීල යටින් තියන mount button එක ඔබන්න විතරයි තියෙන්නේ. එතකොට එක උඩ ලිස්ට් එකට යනවා.

ඊට‍ පස්සේ මවුන්ට් වෙච්ච ධාවකය උඩ double click කරහම මෙහෙම dialog box එකක් එයි. එකේ browse කියන එක click කරහම මෙන්න මේ විදිහට අදාල ධාවකය open වෙයි.

ඔන්න අදට ලිනක්ස් පාඩම ඉවරයි. ඊළඟ පොස්ට් එකෙන් පෙන්ටියම් 2 , 3 වලට ගැලපෙන ලිනක්ස් OS එකක් ගැන කියන්නම්. ජයවේවා…!

ප.ලි. ෆොටෝ කොලිටිය අඩු වෙන්න හේතුව මම ස්ක්‍රීන් ෂොට් ගන්නේ නැතුව කෙලින්ම කැමරාවෙන් ෆොටෝ ගත්ත එක හොඳේ..

 

%d bloggers like this: